Cube專家教路:快靚正收納四部曲

Cube專家教路:快靚正收納四部曲

點樣執拾時先最慳水慳力?點樣用盡個倉?Cube有辦法。

第一部曲:目標清晰 

唔理三七廿一將啲嘢塞晒落個箱,「好似係」最快嘅收納方法,但係往往亂塞一輪之後已經浪費好多儲存空間。不妨執之前花少少時間計劃下你想要儲存嘅嘢,例如諗下:有邊啲物品真係用得著?之後你會發現執走一啲唔會常用嘅嘢,會多咗空間留返俾其他真正重要嘅物品。

第二部曲:情投意「盒」

確認邊啲嘢要擺入倉之後,按分類分箱擺好。咁樣做可以令你清楚每個箱入面裝咗啲乜,到你有需要入倉搵返是旦一樣嘢出嚟嘅時候,就唔使咁頭痕啦。我哋嘅「包裝箱店」有各種包裝箱同包裝物料,甚至有專門嘅紙衣櫥(Wardrobe Boxes)幫你收納貴重衣物,即刻Click入去睇下

第三部曲:優先保護易壞、貴重物品

對於容易「發毛」嘅物品,存倉之前最緊要確保物品(尤其係紡織製品)乾爽。如果係傢俱,搬入倉之前最好喺面層打返層蠟做好保護,咁就可以Keep得好啲添啦。

第四部曲:存倉有打算

幾時入倉,幾時出倉,事前要準備好你嘅存倉計劃。入倉時,諗下邊啲物品你成日需要用,可以將佢哋擺喺接近倉門嘅地方。當然每個箱都貼張紙標明每箱入面嘅內容,搵起上嚟就會方便好多。仲有,較重嘅箱通常墊底,較輕嘅擺喺上面,咁就可以避免重物跌落嚟壓壞其他物品嘅可能。

 

如果你對Cube迷你倉有興趣,即刻打 29142200 同我哋傾傾啦,或者點擊此處聯絡我們

. Category:   相關文章